ஜூன் ‘21: தஞ்சை மாவட்டம் திருவிடைமருதூர் அருகே ஈசனூர் என்னும் ஊரில் கிடைக்கப்பெற்ற இச்சிவலிங்கத் திருமேனிக்கு வழிபாடு செய்து வந்த அப்பகுதி மக்கள், ஈசன் பால் கொண்ட பேரன்பினாலே விளைந்த பயனாய் அரன்பணியைத் தொடர்பு கொண்டார்கள். குருவருளும் திருவருளும் முன் நின்று அருள் செய்ய எம் குழு ஈசனூருக்குச் சென்று அப்பகுதி அன்பர்களிடம் கலந்துரையாடியது. அதன் விளைவாய் அவ்வூர் மக்களுடன் அரன்பணி அறக்கட்டளையும் இணைந்து நம் இறைவர் திருமேனி இருந்த பகுதியில் கூரை மற்றும் சுற்றுப் பகுதியில் இரும்புத் தகடு வேயும் பணி திருவருட்கருணையினாலே நிறைவேற்றப்பட்டது. ஈசனூர் மக்கள் தொடர்ந்து நம்பெருமானார்க்கு அன்போடு பூசை செய்து வருகின்றனர்.